弱者毋是阮的名

《弱者毋是阮的名》Jio̍k-tsiá M̄-sī Gún ê Miâ

洪百慧Âng Pik-huī

——————————————

雖然我愛聽悲情歌

sui-jiân guá ài thiann pi-tsîng kua

絕對毋是為你心疼

tsua̍t-tuì m̄-sī uī lí sim thiànn

雖然你毋聽阮心聲

sui-jiân lí m̄-thiann gún sim-siann

決定人生路

kuat-tīng jîn-sing lōo

阮家己會行

gún ke-kī ē kiânn

雨愈落愈大

hōo jú lo̍h jú tuā

希望路愈行愈闊

hi-bāng lōo jú kiânn jú khuah

未來絕對無你的形影

bī-lâi tsua̍t-tuì bô lí ê hîng-iánn

一路風沙

tsi̍t-lōo hong-sua

一切準煞

it-tshè tsún-suah

過去的軟汫

kuè-khì ê nńg-tsiánn

造成今日的折磨

tsō-sîng kim-ji̍t ê tsiat-buâ

無人叫無人請

bô-lâng kiò bô-lâng tshiánn

所有的錯

sóo-ū ê tshò

是我是我啦

sī guá sī guá–lah

傷心的歌

siong-sim ê kua

解脫心疼

kái-thuat sim-thiànn

目屎行到遮

ba̍k-sái kiânn kàu tsia

毋願閣再為別人活

m̄-guān koh-tsài uī pa̍t-lâng ua̍h

一句話講予你聽

tsi̍t-kù uē kóng hōo lí thiann

弱者毋是阮的名

jio̍k-tsiá m̄-sī gún ê miâ