對你的愛若風吹

《對你的愛若風吹》Tuì Lí ê Ài Ná Hong-tshue

洪榮宏Âng Îng-hông

——————————————

對你的愛若風吹

tuì lí ê ài ná hong-tshue

一條愛情線綴你飛

tsi̍t-tiâu ài-tsîng-suànn tuè lí pue

我的心情我的夢

guá ê sim-tsîng guá ê bāng

總是為你快樂為你茫

tsóng-sī uī lí khuài-lo̍k uī lí bâng

對你的愛若風吹

tuì lí ê ài ná hong-tshue

甘願天頂來隨風飛

kam-guān thinn-tíng lâi suî hong pue

對你的愛遮爾濟

tuì lí ê ài tsiah-nī tsuē

毋願緣未盡線來斷

m̄-guān iân buē tsīn suànn lâi tn̄g

啊~吹啊吹

ah~ tshue–ah tshue

親像咱的愛

tshin-tshiūnn lán ê ài

若是放手

nā-sī pàng-tshiú

風吹墜落地

hong-tshue tuī lo̍h-tē

對你情遮深

tuì lí tsîng tsiah tshim

身邊若無你

sin-pinn nā bô lí

茫茫渺渺怎樣過

bông-bông-biáu-biáu tsuánn-iūnn kuè

啊~揣啊揣

ah~ tshuē–ah tshuē

愛你無後悔

ài lí bô hiō-hué

希望永遠來做伙

hi-bāng íng-uán lâi tsuè-hué

毋願緣未盡

m̄-guān iân buē tsīn

毋願線來斷

m̄-guān suànn lâi tn̄g

對你的愛若風吹

tuì lí ê ài ná hong-tshue