再會夜港口

《再會夜港口》Tsài-huē Iā-káng-kháu
洪一峰Âng It-hong
——————————————
港邊的黃昏後
káng-pinn ê hông-hun āu
海風吹微微
hái-hong tshe bî-bî
閃爍的紅船燈
siám-sih ê âng tsûn-ting
怎樣引心悲
tsuánn-iūnn ín sim-pi
一時一時
tsi̍t-sî tsi̍t-sî
我一時
guá tsi̍t-sî
吐氣看天星
thóo-khuì khuànn thinn-tshinn
做男兒總是需要靠意志
tsuè lâm-jî tsóng-sī su-iàu khò ì-tsì
啊~為前途來鋪大路
ah~ uī tsiân-tôo lâi phoo tuā-lōo
毋通暝日心纏綿
m̄-thang mî-ji̍t sim tînn-mî

溫柔的明月照
un-jiû ê bîng-ge̍h tsiò
海水色青青
hái-tsuí sik tshinn-tshinn
雙人的好情話
siang-lâng ê hó tsîng-uē
輕聲又甘甜
khin-siann iū kam-tinn
愛你愛你
ài lí ài lí
我愛你
guá ài lí
無論到何時
bô-lūn kàu hô-sî
相信我無論海角抑天邊
siong-sìn guá bô-lūn hái-kak ia̍h thinn-pinn
啊~做男兒一言說出
ah~ tsuè lâm-jî it-giân sueh-tshut
總是絕對無變志
tsóng-sī tsua̍t-tuì bô piàn-tsì

港外的火船螺
káng-guā ê hué-tsûn-lê
伴咱心綿綿
phuānn lán sim mî-mî
難忘的情景味
lân-bōng ê tsîng-kíng bī
永遠在身邊
íng-uán tsāi sin-pinn
望你望你
bāng lí bāng lí
希望你
hi-bāng lí
毋通心空虛
m̄-thang sim khang-hi
原諒著男兒心情不得已
guân-liōng tio̍h lâm-jî sim-tsîng put-tik-í
啊~再會啦港口夜色
ah~ tsài-huē–lah káng-kháu iā-sik
不過暫時的分離
put-kò tsiām-sî ê hun-lî