一定iPad溫開水
《一定iPad溫開水》It-tīng Ài Phè Wēnkāishuêi
洪立Âng Li̍p【南面而歌】
——————————————
搬一个西瓜
puann tsi̍t-ê si-kue
就喘甲虛礪礪
tiō tshuán kah hi-lè-lè
腹肚愈來愈大
pak-tóo jú lâi jú tuā
人笑漚少年
lâng tshiò au-siàu-liân
你若煩惱你的未來
lí nā huân-ló lí ê bī-lâi
賰無幾歲
tshun bô kuí huè
請認明
tshiánn jīn-bîng
一定iPad溫開水
it-tīng ài phè wēnkāishuêi
上班下班
siōng-pan hā-pan
siű一下就半暝
siű–tsi̍t-ē tō puànn-mê
趁三十冬
thàn sann-tsa̍p tang
嘛是趁無幾坪
mā sī thàn bô kuí pênn
你的起毛摺若是袂婸
lí ê khí-moo-tsih nā-sī bē giang
想欲啉一下
siūnn-beh lim–tsi̍t-ē
一定iPad溫開水
it-tīng ài phè wēnkāishuêi
一定iPad溫開水
it-tīng ài phè wēnkāishuêi
一定iPad溫開水
it-tīng ài phè wēnkāishuêi
隔壁的妹妹
keh-piah ê me-me
生甲是妖嬌美麗
senn kah sī iau-kiau bí-lē
逐擺看著伊
ta̍k-pái khuànn-tio̍h i
我就袂曉講話
guá tiō bē-hiáu kóng-uē
想欲請教
siūnn-beh tshíng-kàu
line敢會使加一下
lái kám ē-sái ka–tsi̍t-ē
若是緊張
nā-sī kín-tiunn
一定iPad溫開水
it-tīng ài phè wēnkāishuêi
工課愛做
khang-khuè ài tsò
性命愛顧
sìnn-miā ài kòo
某嘛愛惜
bóo mā ài sioh
共人食夠夠的頭家
kā lâng tsia̍h kàu-kàu ê thâu-ke
著愛?
tio̍h-ài tshoh
你若無滿意這款的人生
lí nā bô muá-ì tsit khuán ê jîn-sing
莫想遐濟
mài siūnn hiah tsē
一定iPad溫開水
it-tīng ài phè wēnkāishuêi
一定iPad溫開水
it-tīng ài phè wēnkāishuêi
一定iPad溫開水
it-tīng ài phè wēnkāishuêi
傷大箍免解說
siunn tuā-khoo bián kái-sueh
啉酒醉免解說
lim tsiú-tsuì bián kái-sueh
娶無某免解說
tshuā bô bóo bián kái-sueh
啥物攏免解說
siánn-mih lóng bián kái-sueh
