黃昏野鳥
《黃昏野鳥》Hông-hun Iá-tsiáu
施文彬Si Bûn-pin
——————————————
千萬心事變成雲
tshian-bān sim-sū piàn-sîng hûn
愛是落花情是水
ài sī lo̍h-hua tsîng sī tsuí
世間短短為著情
sè-kan té-té uī-tio̍h tsîng
紅豆相思綴枝留
âng-tāu siunn-si tè ki lâu
痴情的愛無人惜
tshi-tsîng ê ài bô-lâng sioh
黃昏野鳥揣無岫
hông-hun iá-tsiáu tshē-bô siū
流浪的愛靠無岸
liû-lōng ê ài khò bô huānn
山盟海誓攏是空
san-bîng-hái-sè lóng-sī khang
為愛悲傷流目屎
uī ài pi-siong lâu ba̍k-sái
情關難過空思戀
tsîng-kuan lân-kuè khang su-luân
問天無回
mn̄g thinn bô huê
問地無應
mn̄g tē bô ìn
心酸苦楚無人問
sim-sng khóo-tshóo bô-lâng mn̄g
日日夜夜來想伊
ji̍t-ji̍t-iā-iā lâi siūnn i
孤孤單單寂寞情
koo-koo-tuann-tuann tsi̍k-bo̍k tsîng
夜半思慕
iā-puànn su-bōo
雨紛紛
hōo hun-hun
只有將愛囥心內
tsí-ū tsiong ài khǹg sim-lāi