頭家

《頭家》Thâu-ke
施文彬 Si Bûn-pin
——————————————
頭家
thâu-ke
頂個月咱的生理做偌濟
tíng-kò-gue̍h lán ê sing-lí tsò guā-tsē
頭家
thâu-ke
頂個月咱的生理趁偌濟
tíng-kò-gue̍h lán ê sing-lí thàn guā-tsē
頭家
thâu-ke
頂個月我的薪水猶未提
tíng-kò-gue̍h guá ê sin-suí iáu-buē the̍h
敢有問題
kám ū būn-tê
為怎樣你頭犁犁
uī-tsuánn-iūnn lí thâu lê-lê

毋知頭家
m̄-tsai thâu-ke
這個月咱的生理減偌濟
tsit-kò-gue̍h lán ê sing-lí kiám guā-tsē
頭家
thâu-ke
這個月咱的生理了偌濟
tsit-kò-gue̍h lán ê sing-lí liáu guā-tsē
頭家
thâu-ke
這個月我的薪水扣偌濟
tsit-kò-gue̍h guá ê sin-suí khàu guā-tsē
閣賰偌濟
koh tshun guā-tsē
食泡麵敢有問題
tsia̍h phàu-mī kám ū būn-tê

我嘛知景氣無偌好過
guá mā tsai kíng-khì bô guā hó-kuè
是全世界的問題
sī tsuân sè-kài ê būn-tê
雄雄講欲結束一切
hiông-hiông kóng beh kiat-sok it-tshè
實在使人驚一下
si̍t-tsāi sú lâng kiann tsi̍t-ē

我並無計較遐爾濟
guá pīng bô kè-kàu hiah-nī tsē
希望你閣做頭家
hi-bāng lí koh tsò thâu-ke
逐家繼續拍拚來做
ta̍k-ke kè-sio̍k phah-piànn lâi tsuè
毋通放我孤一个
m̄-thang pàng guá koo tsi̍t-ê
犀牛望月
sai-gû bāng-gue̍h

頭家
thâu-ke
頂個月我的薪水猶未提
tíng-kò-gue̍h guá ê sin-suí iáu-buē the̍h
頭家
thâu-ke
這個月我的薪水猶未提
tsit-kò-gue̍h guá ê sin-suí iáu-buē the̍h
頭家
thâu-ke
每個月厝內開銷遐爾濟
muí-kò-gue̍h tshù-lāi khai-siau hiah-nī tsē
靠我一个
khò guá tsi̍t-ê
連插翼攏袂飛
liân tshah-si̍t lóng bē pue

啊~我厝內閣有老母佮老爸
ah~ guá tshù-lāi koh ū lāu-bú kah lāu-pē
啊~我厝內閣有後生愛讀冊
ah~ guá tshù-lāi koh ū hāu-sinn ài tha̍k-tsheh
啊~我死會已經標甲變誤會
ah~ guá sí-huē í-king pio kah piàn gōo-huē

請問頭家
tshiánn-mn̄g thâu-ke
為怎樣你頭犁犁
uī tsuánn-iūnn lí thâu lê-lê
我想著猶未納的厝稅
guá siūnn-tio̍h iáu-buē la̍p ê tshù-suè
想著頭路遐爾歹揣
siūnn-tio̍h thâu-lōo hiah-nī pháinn tshuē
為著厝內大大細細
uī-tio̍h tshù-lāi tuā-tuā-sè-sè
希望你閣做頭家
hi-bāng lí koh tsuè thâu-ke

您可能也會喜歡…

跳至工具列