頓張

《頓張》Tùn-tiunn
施文彬Si Bûn-pin
——————————————
明明是約會
bîng-bîng sī iok-huē
為何你攏毋講話
uī-hô lí lóng m̄ kóng-uē
看你看我的眼神
khuànn lí khuànn guá ê gán-sîn
已經將我判罪
í-king tsiong guá phuànn-tsuē

是我對你無坦白
sī guá tuì lí bô thán-pe̍h
抑是你聽著啥貨
ia̍h-sī lí thiann-tio̍h siánn-huè
若是一直毋講破
nā-sī it-ti̍t m̄ kóng-phuà
毋通怪我無性地
m̄-thang kuài guá bô sìng-tē

有話你嘛毋免張
ū uē lí mā m̄-bián tiunn
講來雙人小研究
kóng lâi siang-lâng sió gián-kiù
我若做錯
guá nā tsò-tshò
我一定會改進
guá it-tīng ē kái-tsìn
但是你若是閣張
tān-sī lí nā-sī koh tiunn
我嘛毋知
guá mā m̄-tsai
如何繼續閣忍受
jû-hô kè-sio̍k koh jím-siū
心內難免會來烏白想
sim-lāi lân-bián ē lâi oo-pe̍h siūnn

別人一句話
pa̍t-lâng tsi̍t-kù uē
為何你欲想遐濟
uī-hô lí beh siūnn hiah tsē
毋知影你的個性
m̄ tsai-iánn lí ê kò-sìng
哪會變做按呢
ná ē piàn-tsuè án-ne
只是小小的誤會
tsí-sī sió-sió ê gōo-huē
偏偏攏毋聽解說
phian-phian lóng m̄-thiann kái-sueh
事實我並無反背
sū-si̍t guá pīng bô huán-puē
是你閒話聽太濟
sī lí îng-uē thiann thài tsē

明知你上?頓張
bîng-tsai lí siōng gâu tùn-tiunn
所以我才無追究
sóo-í guá tsiah bô tui-kiù
當做這是
tòng-tsuè tse sī
另一款的溫柔
līng tsi̍t-khuán ê un-jiû
但是你若是閣張
tān-sī lí nā-sī koh tiunn
我嘛毋知
guá mā m̄-tsai
如何繼續閣忍受
jû-hô kè-sio̍k koh jím-siū
不如分開
put-jû hun-khui
逐家較自由
ta̍k-ke khah tsū-iû