行行做狀元

《行行做狀元》Hâng-hâng Tsò Tsiōng-guân
施文彬 Si Bûn-pin
——————————————
朋友咱逐家
pîng-iú lán ta̍k-ke
撨予平懸
tshiâu hōo pênn kuân
鬥陣是無分大細漢
tàu-tīn sī bô hun tuā sè-hàn
人生海海
jîn-sing hái-hái
著愛樂觀
tio̍h-ài lo̍k-kuan
有緣無緣
ū-iân bô-iân
攏毋免旋
lóng m̄-bián suan

笑容咱若是斟予滿滿
tshiò-iông lán nā-sī thîn hōo buán-buán
袂輸登科來中狀元
buē-su ting-kho lâi tiòng tsiōng-guân
趁這馬氣氛是有夠讚
thàn tsit-má khì-hun sī ū-kàu tsán
做朋友逐家免手腕
tsuè pîng-iú ta̍k-ke bián tshiú-uánn

來喔來喔來
lâi–ooh lâi–ooh lâi
mài-kuh攑懸懸
mài-kuh gia̍h kuân-kuân
催落催落催
tshui–lo̍h tshui–lo̍h tshui
愈唱愈溫暖
jú tshiùnn jú un-luán
人生得意需盡歡
jîn-sing tik-ì su tsīn-huan
我的好朋友
guá ê hó pîng-iú
攏嘛無平凡
lóng-mā bô pîng-huân

來喔來喔來
lâi–ooh lâi–ooh lâi
酒杯捀懸懸
tsiú-pue phâng kuân-kuân
催落催落催
tshui–lo̍h tshui–lo̍h tshui
一定真美滿
it-tīng tsin bí-buán
今朝有酒來拍通關
kim-tiau ū tsiú lâi phah-thong-kuan
我的好朋友
guá ê hó-pîng-iú
行行做狀元
hâng-hâng tsuè tsiōng-guân