秋風彼一暝

《秋風彼一暝》Tshiu-hong Hit Tsi̍t-mê
施文彬Si Bûn-pin
——————————————
秋風吹來樹枝搖
tshiu-hong tshue–lâi tshiū-ki iô
茫茫深更相思雨
bông-bông tshim-kinn siunn-si hōo
失去愛情的我
sit-khì ài-tsîng ê guá
悲傷囥無路
pi-siong khǹg bô-lōo
冷冷清清的寂寞
líng-líng-tshing-tshing ê tsi̍k-bo̍k
親像風吹樹葉落
tshin-tshiūnn hong tshue tshiū-hio̍h lo̍h
孤孤單單
koo-koo-tuann-tuann
一个人想當初
tsi̍t-ê-lâng siūnn tong-tshoo

只有夢中等你來
tsí-ū bāng-tiong tán lí lâi
對你的愛猶原在
tuì lí ê ài iu-guân tsāi
失去了後
sit-khì liáu-āu
才知是我不應該
tsiah tsai sī guá put-ìng-kai
痛苦後悔在心內
thòng-khóo hiō-hué tsāi sim-lāi

夜半雨聲
iā-puànn hōo-siann
親像咱分開彼一暝
tshin-tshiūnn lán hun-khui hit tsi̍t-mî
雨水目屎分袂清
hōo-tsuí ba̍k-sái hun buē tshing
看你越頭做你走
khuànn lí ua̍t-thâu tsuè lí tsáu
我的心遮爾苦
guá ê sim tsiah-nī khóo

想欲知影
siūnn-beh tsai-iánn
今夜你是佇佗位
kim-iā lí sī tī tó-uī
敢有人佇身邊
kám ū-lâng tī sin-pinn
我的心內
guá ê sim-lāi
袂當共你放袂記
buē-tàng kā lí pàng-buē-kì
你的世界
lí ê sè-kài
敢猶有我
kám iáu-ū guá