無某真艱苦

《無某真艱苦》Bô Bóo Tsin Kan-khóo
南田 Lâm-tiân
——————————————
揣來揣去兩三年
tshuē lâi tshuē khì nn̄g-sann nî
揣攏無頭路
tshuē lóng bô thâu-lōo
看著隔壁彼个柳哥
khuànn-tio̍h keh-piah hit-ê liú–ko
今仔日欲娶某
kia̋nn-ji̍t beh tshuā-bóo
阮嘛想欲緊來娶某
gún mā siūnn-bueh kín lâi tshuā-bóo
毋過無法度
m̄-koh bô-huat-tōo
啥人欲來嫁阮
siánn-lâng bueh lâi kè gún
一个散赤的查埔
tsi̍t-ê sàn-tshiah ê tsa-poo
看人咧娶某
khuànn-lâng teh tshuā-bóo
害阮真艱苦
hāi gún tsin kan-khóo
看人娶某
khuànn lâng tshuā-bóo
阮就艱苦
gún tiō kan-khóo
欸~想著面會烏
eh~ siūnn tio̍h bīn ē oo

看人娶某
khuànn lâng tshuā-bóo
阮也走去揣著媒人婆
gún iā tsáu-khì tshuē-tio̍h muê-lâng-pô
東南西北哩哩囉囉
tang-lâm-sai-pak li-li-lo-lo
講甲一大套
kóng kah tsi̍t tuā-thò
?去看隔壁庄的
tshuā khì khuànn keh-piah-tsng ê
一个阿狗嫂
tsi̍t-ê A-káu-só
大箍呆閣三三八八
tuā-khoo-tai koh sam-sam-pat-pat
一隻若豬母
tsi̍t-tsiah ná ti-bó
看人咧娶某
khuànn lâng teh tshuā-bóo
害阮癮仙哥
hāi gún giàn-sian-ko
看人娶某
khuànn-lâng tshuā-bóo
阮癮仙哥
gún giàn-sian-ko
欸~想著心齊慒
eh~ siūnn tio̍h sim tsiâu tso

穿著一領破衫破褲
tshīng tio̍h tsi̍t-niá phuà-sann phuà-khòo
身軀無半箍
sin-khu bô-puànn-khoo
啥人會得了解著
siánn-lâng ē-tit liáu-kái tio̍h
阮無某的艱苦
gún bô bóo ê kan-khóo
想著苦情
siūnn-tio̍h khóo-tsîng
目屎流落
ba̍k-sái lâu–lo̍h
親像西北雨
tshin-tshiūnn sai-pak-hōo
看破著來
khuànn-phuà tio̍h lâi
倒在眠床
tó tsāi bîn-tshn̂g
攬著棉被股
lám tio̍h mî-phuē-kóo
看人咧娶某
khuànn lâng teh tshuā-bóo
害阮真艱苦
hāi gún tsin kan-khóo
看人娶某
khuànn lâng tshuā-bóo
阮就艱苦
gún tiō kan-khóo
欸~無某真艱苦
eh~ bô bóo tsin kan-khóo