港邊的哨聲

《港邊的哨聲》Káng-pinn ê Siàu-siann
洪一峰Âng It-hong
——————————————
早日黃昏在港墘
tsá-ji̍t hông-hun tsāi káng-kînn
雙人談情糖甘蜜甜
siang-lâng tâm-tsîng thn̂g-kam-bi̍t-tinn
海面船燈粒粒爍
hái-bīn tsûn-ting lia̍p-lia̍p sih
看著肅靜風微微
khuànn-tio̍h siok-tsīng hong bî-bî
啥人吹著吹哨纏綿
siánn-lâng tshe tio̍h tshue-siàu tînn-mî
啊~吹哨纏綿
ah~ tshue-siàu tînn-mî
宛然祝福咱情義
uán-jiân tsiok-hok lán tsîng-gī

今宵猶原在港墘
kim-siau iu-guân tsāi káng-kînn
想起經過初戀情意
siūnn-khí king-kè tshoo-luân tsîng-ì
月眉斜西落山去
ge̍h-bâi tshiâ-sai lo̍h-suann khì
留著點點滿天星
lâu tio̍h tiám-tiám muá-thinn tshinn
忽然又是吹哨纏綿
hut-jiân iū sī tshue-siàu tînn-mî
啊~吹哨纏綿
ah~ tshue-siàu tînn-mî
動人哀韻帶愁味
tōng-lâng ai-ūn tài tshiû-bī

明日你我欲分離
bîng-ji̍t lí guá beh hun-lî
也是踮在這个港邊
iā-sī tiàm-tsāi tsit ê káng-pinn
碼頭海風冷吱吱
bé-thâu hái-hong líng-ki-ki
吹著無聊咱衫墘
tshe tio̍h bô-liâu lán sann-kînn
伴你再聽吹哨纏綿
phuānn lí tsài thiann tshue-siàu tînn-mî
啊~吹哨纏綿
ah~ tshue-siàu tînn-mî
到底著愛等何時
tàu-tué tio̍h-ài tán hô-sî