海口英雄

《海口英雄》Hái-kháu Ing-hiông
作詞：武雄 Bú-hiông
施文彬 Si Bûn-pin
——————————–
命運若是會當參詳
miā-ūn nā-sī ē-tàng tsham-siông
啥人願意離開故鄉
siánn-lâng guān-ì lī-khui kòo-hiong
身揹一陣海風
sin phāinn tsi̍t-tsūn hái-hong
跤踏兩字膽量
kha ta̍h nn̄g-jī tám-liōng
決心出外走揣理想
kuat-sim tshut-guā tsáu-tshuē lí-sióng
.
愛我的人毋免悲傷
ài guá ê lâng m̄-bián pi-siong
我愛的人請你原諒
guá ài ê lâng tshiánn lí guân-liōng
我會認真拍拚
guá ē jīn-tsin phah-piànn
我會家己保重
guá ē ka-kī pó-tiōng
期待早日會當成功
kî-thāi tsá-ji̍t ē-tàng sîng-kong
.
我是海口的英雄
guá sī hái-kháu ê ing-hiông
我有熱情佮笑容
guá ū jia̍t-tsîng kah tshiò-iông
海派親切 義氣豪爽
hái phài tshin-tshiat, gī-khì hô-sóng
使人會尊重
sú lâng ē tsun-tiōng
.
我是海口的英雄
guá sī hái-kháu ê ing-hiông
我佮氣魄仝故鄉
guá kah khì-phik kāng kòo-hiong
重情重義 敢做敢衝
tiōng tsîng tiōng gī, kánn tsò kánn tshiong
人人攏欣賞
lâng-lâng lóng him-sióng
.
愛我的人毋免悲傷
ài guá ê lâng m̄-bián pi-siong
我愛的人予我力量
guá ài ê lâng hōo guá li̍k-liōng
我會認真拍拚
guá ē jīn-tsin phah-piànn
我會家己保重
guá ē ka-kī pó-tiōng
期待早日會當成功
kî-thāi tsá-ji̍t ē-tàng sîng-kong