欠人精

《欠人精》Khiàm Lâng Tsing
施文彬 Si Bûn-pin
——————————————
欠你一張情批
khiàm lí tsi̍t-tiunn tsîng-phue
欠你一句坦白
khiàm lí tsi̍t-kù thán-pe̍h
欠你一場電影
khiàm lí tsi̍t-tiûnn tiān-iánn
欠你一雙新鞋
khiàm lí tsi̍t-siang sin-ê
歹勢
pháinn-sè
最近我較無閒
tsuè-kīn guá khah bô-îng
閣予我限一下
koh hōo guá ān tsi̍t-ē

欠你一幕風景
khiàm lí tsi̍t-bōo hong-kíng
欠你一擺旅行
khiàm lí tsi̍t-pái lú-hîng
欠你一句認定
khiàm lí tsi̍t-kù jīn-tīng
欠你一場愛情
khiàm lí tsi̍t-tiûnn ài-tsîng
失禮
sit-lé
我嘛是真著急
guá mā sī tsin tio̍h-kip
想辦法欲來還
siūnn pān-huat beh lâi hîng

我毋是欠人精
guá m̄-sī khiàm lâng tsing
我其實足認真
guá kî-si̍t tsiok jīn-tsin
閣予我一點點仔時間
koh hōo guá tsi̍t-tiám-tiám-á sî-kan
我就會翻身
guá tiō ē huan-sin

我毋是欠人精
guá m̄-sī khiàm lâng tsing
我愛甲真用心
guá ài kah tsin iōng-sim
加予我一點點仔信任
ke hōo guá tsi̍t-tiám-tiám-á sìn-jīm
拍拚咱的人生
phah-piànn lán ê jîn-sing

我毋是欠人精
guá m̄-sī khiàm lâng tsing
有欠我一定還
ū khiàm guá it-tīng hîng
愛你的我的心
ài lí ê guá ê sim
做你提去用
tsuè lí the̍h khì īng
—

愛你的我的心
ài lí ê guá ê sim
做你提去用
tsuè lí the̍h khì īng