懷念的夜都市

《懷念的夜都市》Huâi-liām ê Iā-too-tshī
洪一峰Âng It-hong
——————————————
紅燈青燈閃閃爍
âng-ting tshinn-ting siám-siám-sih
繁華鬧熱夜都市
huân-huâ lāu-jia̍t iā-too-tshī
孤一个踮路邊
koo tsi̍t-ê tiàm lōo-pinn
攑頭看天星
gia̍h-thâu khuànn thinn-tshinn
懷念著
huâi-liām tio̍h
過去的難忘情義
kè-khì ê lân-bōng tsîng-gī
又來吐出大氣
iū lâi thóo-tshut tuā-khuì
愛人愛人愛人
ài-jîn ài-jîn ài-jîn
你在哪裡
lí tsāi ná-lí
啊~敢知我真心咧愛你
ah~ kám tsai guá tsin-sim teh ài lí

人山人海滿街市
jîn-san jîn-hái muá kue-tshī
繁華鬧熱無地比
huân-huâ lāu-jia̍t bô-tè pí
孤一个踮路邊
koo tsi̍t-ê tiàm lōo-pinn
暗淡無元氣
àm-tām bô guân-khì
感覺著
kám-kak tio̍h
無限的寂寞空虛
bô-hān ê tsi̍k-bo̍k khang-hi
啥人欲來安慰
siánn-lâng beh lâi an-uì
愛人愛人愛人
ài-jîn ài-jîn ài-jîn
你在哪裡
lí tsāi ná-lí
啊~到底何時
ah~ tàu-tué hô-sî
轉來我身邊
tńg-lâi guá sin-pinn