心碎的情歌
《心碎的情歌》Sim Tshuì ê Tsîng-kua
施文彬Si Bûn-pin
——————————————
當初時
tong-tshoo-sî
你佮我約束的話
lí kah guá iok-sok ê uē
敢講你的話
kám-kóng lí ê uē
全部是假
tsuân-pōo sī ké
你的心
lí ê sim
綴著別人飛
tuè tio̍h pa̍t-lâng pue
害阮日子毋知按怎過
hāi gún ji̍t-tsí m̄-tsai án-tsuánn kuè
窗外的風雨
thang-guā ê hong-hōo
無情一直咧吹
bô-tsîng it-ti̍t teh tshue
我的心內有足濟話
guá ê sim-lāi ū tsiok tsuē uē
我的情付出遐爾濟
guá ê tsîng hù-tshut hiah-nī tsuē
怎樣你會來反背
tsuánn-iūnn lí ē lâi huán-puē
憤慨的情歌
hùn-khài ê tsîng-kua
心碎的歌聲
sim tshuì ê kua-siann
一句一聲
tsi̍t-kù tsi̍t-siann
攏欲唱予你聽
lóng beh tshiùnn hōo lí thiann
你敢會知影
lí kám-ē tsai-iánn
我這陣的心情
guá tsit-tsūn ê sim-tsiânn
一陣一陣疼
tsi̍t-tsūn-tsi̍t-tsūn thiànn
若親像強欲無性命
ná-tshin-tshiūnn kiōng-beh bô sìnn-miā