好聽

《好聽》Hó-thiann
施文彬 Si Bûn-pin
——————————————
毋免講你愛我
m̄-bián kóng lí ài guá
講欲閣佮我鬥陣
kóng beh koh kah guá tàu-tīn
毋免講你對我
m̄-bián kóng lí tuì guá
比誰攏較認真
pí siáng lóng khah jīn-tsin
既然你的心內
kì-jiân lí ê sim-lāi
猶有遐濟个愛人
iáu-ū hiah tsē ê ài-jîn
又何必故意對我
iū hô-pit kòo-ì tuì guá
激甲遐熱情
kik kah hiah jia̍t-tsîng

連鞭講你愛我
liâm-mi kóng lí ài guá
講啥物前世註定
kóng siánn-mih tsîng-sì tsù-tiānn
連鞭講欲分開
liâm-mi kóng beh hun-khui
一切就準煞
it-tshè tō tsún suah
戀愛當做買物件
luân-ài tòng-tsuè bé mi̍h-kiānn
想著我會疼
siūnn-tio̍h guá ē thiànn
這款女性
tsit khuán lú-sìng
應該看予破
ìng-kai khuànn hōo phuà

毋免閣再騙我
m̄-bián koh-tsài phiàn guá
已經毋免相瞞
í-king m̄-bián sio-muâ
有緣無份的夢
ū-iân bô-hūn ê bāng
哪會著繼續搬
ná ē tio̍h kè-sio̍k puann
情批我袂看
tsîng phue guá buē khuànn
電話我袂聽
tiān-uē guá buē thiann
袂閣相信
buē koh siong-sìn
你用的手段
lí iōng ê tshiú-tuānn

啊毋免講遐好聽
ah m̄-bián kóng hiah hó-thiann
講你你只有愛我
kóng lí lí tsí-ū ài guá
啊像你這款女性
ah tshiūnn lí tsit khuán lú-sìng
所講的情話上可怕
sóo kóng ê tsîng-uē siōng khó-phà
當初我會疼
tong-tshoo guá ē thiànn
如今我會驚
jû-kim guá ē kiann
對你的愛
tuì lí ê ài
已經毋敢惹
í-king m̄-kánn jiá

啊毋免講遐好聽
ah m̄-bián kóng hiah hó-thiann
講你你疼入心肝
kóng lí lí thiànn-ji̍p sim-kuann
啊像我這款男性
ah tshiūnn guá tsit khuán lâm-sìng
袂當忍受人欺騙我
bē-tàng jím-siū lâng khi-phiàn guá
請你免愛我
tshiánn lí bián ài guá
請你予我行
tshiánn lí hōo guá kiânn
若閣愛你
nā koh ài lí
我會無性命
guá ē bô sìnn-miā