天邊海角揣無你

《天邊海角揣無你》Thinn-pinn Hái-kak Tshuē-bô Lí

施文彬Si Bûn-pin

——————————————

一杯閣一杯

tsi̍t-pue koh tsi̍t-pue

一个人講戇話

tsi̍t-ê-lâng kóng gōng-uē

情路哪會變遐爾狹

tsîng-lōo ná ē piàn hiah-nī ue̍h

天邊海角一直揣

thinn-pinn hái-kak it-ti̍t tshuē

毋通閣叫恁爸來遮坐

m̄-thang koh kiò lín-pē lâi tsia tsē

痟的!

siáu–ê!

我無愛坐

guá bô-ài tsē

我欲講話

guá beh kóng-uē

你聽予詳細

lí thiann hōo siông-sè

情路哪會遐爾狹

tsîng-lōo ná ē hiah-nī ue̍h

一个人我我一直揣

tsi̍t-ê lâng guá guá it-ti̍t tshuē

麻煩酒酒閣一杯

mâ-huân tsiú tsiú koh tsi̍t-pue

你目睭哪會變遐爾白

lí ba̍k-tsiu ná ē pìnn hiah-nī pe̍h

毋通閣毋通閣笑恁爸

m̄-thang koh m̄-thang koh tshiò lín-pē

一條戀愛歌變遐爾短

tsi̍t-tiâu luân-ài-kua piàn hiah-nī té

因為我心愛的

in-uī guá sim-ài–ê

早就一去不再回

tsá tiō it khì put-tsài huê

無論臺灣頭到臺灣尾

bô-lūn Tâi-uân-thâu kàu Tâi-uân-bé

海角天邊我四界走揣

hái-kak thinn-pinn guá sì-kè tsáu-tshuē

毋知心內彼个

m̄-tsai sim-lāi hit ê

心愛彼个

sim-ài hit ê

你到底

lí tàu-té

你是藏佇佗

lí sī tshàng tī tueh

若有好心人

nā ū hó-sim-lâng

有看著伊

ū khuànn-tio̍h i

麻煩叫伊

mâ-huân kiò i

敲我的電話

khà guá ê tiān-uē

123345678

tsi̍t nn̄g sann sann sì gōo la̍k tshit peh

我的電話

guá ê tiān-uē

哪會變做按呢

ná ē piàn-tsuè án-ne

毋過攏無關係

m̄-koh lóng bô kuan-hē

ちょっと待って

tsiot-tooh mat-teh

我歹勢

guá pháinn-sè

我閣敬一杯

guá koh kìng tsi̍t-pue

橫直天邊海角

huînn-ti̍t thinn-pinn hái-kak

我永遠愛伊一个

guá íng-uán ài i tsi̍t-ê

—-

橫直天邊海角

huînn-ti̍t thinn-pinn hái-kak

我永遠愛伊一个

guá íng-uán ài i tsi̍t-ê