痴心的夢

《痴心的夢》Tshi-sim ê Bāng

芬華Hun-huâ

——————————————

風冷冷咧吹

hong líng-líng teh tshue

心是愈來愈熱

sim sī jú lâi jú jia̍t

過去啊

kuè-khì–ah

往事隨風飛

óng-sū suî hong pue

當做是錯誤的美麗

tòng-tsuè sī tshò-gōo ê bí-lē

雺漸漸咧退

bông tsiām-tsiām teh thuè

天是愈來愈白

thinn sī jú lâi jú pe̍h

傷心啊

siong-sim–ah

放伊自由飛

pàng i tsū-iû pue

如今我是全新的美麗

jû-kim guá sī tsuân-sin ê bí-lē

踮這个無情的世間

tiàm tsit ê bô-tsîng ê sè-kan

感情跋遮重

kám-tsîng pua̍h tsiah tāng

用青春換來

iōng tshing-tshun uānn lâi

苦苦的夢

khóo-khóo ê bāng

只怪阮愛了傷過重

tsí kuài gún ài liáu siunn-kuè tāng

越頭已經無望

ua̍t-thâu í-king bô-bāng

聽無別人的呼喚

thiann-bô pa̍t-lâng ê hoo-huàn

踮這个無情的世間

tiàm tsit ê bô-tsîng ê sè-kan

感情看予淡

kám-tsîng khuànn hōo tām

用目屎換來

iōng ba̍k-sái uānn lâi

殘缺的夢

tsân-khuat ê bāng

只怪阮愛了傷過重

tsí kuài gún ài liáu siunn-kuè tāng

將一生感情來放

tsiong it-sing kám-tsîng lâi pàng

變成無心無魂的人

piàn-sîng bô-sim bô-hûn ê lâng

痴心的夢

tshi-sim ê bāng