心甘情願

《心甘情願》Sim-kam Tsîng-guān
俞隆華 Jû Liông-huâ
——————————————
我對你真心
guá tuì lí tsin-sim
你了解
lí liáu-kái
你對我真情
lí tuì guá tsin-tsîng
我也知
guá iā tsai
哪知好天隨時起風颱
ná tsai hó-thinn suî-sî khí hong-thai
你我才著分東西
lí guá tsiah tio̍h hun tang sai

希望你會嫁著好翁婿
hi-bāng lí ē kè tio̍h hó ang-sài
將咱過去放落大海
tsiong lán kuè-khì pàng lo̍h tuā-hái
我在遙遠的所在
guá tsāi iâu-uán ê sóo-tsāi
祝你幸福好將來
tsiok lí hīng-hok hó tsiong-lâi

心愛你敢知我心內
sim-ài lí kám tsai guá sim-lāi
夜夜的目屎像雨來
iā-iā ê ba̍k-sái tshiūnn hōo lâi
只是為著環境來所害
tsí-sī uī-tio̍h khuân-kíng lâi sóo hāi
才著心甘情願
tsiah tio̍h sim-kam tsîng-guān
看你予人愛
khuànn lí hōo-lâng ài