天哪會無來疼痛

《天哪會無來疼痛》Thinn Ná ē Bô Lâi Thiànn-thàng

芬華Hun-huâ

——————————————

愛若是變成負擔

ài nā-sī piàn-sîng hū-tam

世界就墜落烏暗

sè-kài tiō tuī-lo̍h oo-àm

傷心已經哭無目屎

siong-sim í-king khàu bô ba̍k-sái

咱敢猶有希望

lán kám iáu-ū hi-bāng

佇每一个暗暝

tī muí tsi̍t-ê àm-mî

每一个喘氣

muí tsi̍t-ê tshuán-khuì

攏是沉重

lóng-sī tîm-tāng

想你的心情

siūnn lí ê sim-tsîng

予思念慢慢煎熬

hōo su-liām bān-bān tsian-ngâu

天哪會無來疼痛

thinn ná ē bô lâi thiànn-thàng

世間痴情的人

sè-kan tshi-tsîng ê lâng

我每一擺的呼喚

guá muí tsi̍t-pái ê hoo-huàn

啊~天哪會無來疼痛

ah~ thinn ná ē bô lâi thiànn-thàng

世間上戇的人

sè-kan siōng gōng ê lâng

我每一擺回頭

guá muí tsi̍t-pái huê-thâu

希望

hi-bāng

只是等待絕望

tsí-sī tán-thāi tsua̍t-bāng

—

我每一擺回頭

guá muí tsi̍t pái huê-thâu

希望

hi-bāng

只是等待絕望

tsí-sī tán-thāi tsua̍t-bāng