繼續拚

《繼續拚》Kè-sio̍k Piànn
阿吉仔A-kiat–á
——————————————
阮親像菜市仔命
gún tshin-tshiūnn tshài-tshī-á miā
親像磨家己來慢慢拖
tshin tshiūnn buâ ka-kī lâi bān-bān thua
雖然我並無好條件
sui-jiân guá pīng bô hó tiâu-kiānn
但是我選擇來拍拚
tān-sī guá suán-ti̍k lâi phah-piànn

世事啊無人知影
sè-sū–ah bô-lâng tsai-iánn
孤鳥無一定會吼悲歌
koo-tsiáu bô-it-tīng ē háu pi-kua
好䆀是由在人咧看
hó bái sī iû-tsāi-lâng teh khuànn
所以我佮天拚輸贏
sóo-í guá kah thinn piànn-su-iânn

一隻鳥仔
tsi̍t-tsiah tsiáu-á
佮阮平孤單
kah gún pînn koo-tuann
講伊的故事
kóng i ê kòo-sū
予阮來知影
hōo gún lâi tsai-iánn
毋甘啊
m̄-kam–ah
欲按怎
beh án-tsuánn
目屎流煞
ba̍k-sái lâu suah
嘛著愛繼續拚
mā tio̍h-ài kè-sio̍k piànn