朋友鬥支持

《朋友鬥支持》Pîng-iú Tàu Tsi-tshî
阿吉仔A-kiat–á
——————————————
人生難免有不如意
jîn-sing lân-bián ū put-jû-ì
失敗重新閣再起
sit-pāi tiông-sin koh-tsài khí
一杯燒酒
tsi̍t-pue sio-tsiú
管待伊乾杯隨意
kuán-thāi-i kan-pue suî-ì
啉啦
lim–lah
咱逐家歡喜
lán ta̍k-ke huann-hí

朋友一定愛講義氣
pîng-iú it-tīng ài kóng gī-khì
氣魄愛攬咧身邊
khì-phik ài lám teh sin-pinn
若是一句話袂爽
nā-sī tsi̍t-kù uē bē sóng
就沖落去
tiō tshiâng lo̍h-khì
只是賭氣魄而已
tsí-sī tóo khì-phik jî-í

啊~朋友互相鬥支持
ah~ pîng-iú hōo-siong tàu tsi-tshî
做永遠的好兄弟
tsuè íng-uán ê hó-hiann-tī
毋通磕袂著
m̄-thang kha̍p-bē-tio̍h
就欲跤來手去
tiō beh kha lâi tshiú khì
逐家來啉予醉醉
ta̍k-ke lâi lim hōo tsuì-tsuì

啊~朋友互相鬥支持
ah~ pîng-iú hōo-siong tàu tsi-tshî
做伙成功出頭天
tsuè-hué sîng-kong tshut-thâu-thinn
朋友兄弟
pîng-iú hiann-tī
阮會永遠伨你
gún ē íng-uán thīn lí
予你鼓勵佮勇氣
hōo lí kóo-lē kah ióng-khì