好䆀攏是命

《好䆀攏是命》Hó Bái Lóng Sī Miā
阿吉仔 A-kiat–á
——————————————
嘆一聲啊
thàn tsi̍t-siann–ah
為何我啊
uī-hô guá–ah
這一生親像野狗命
tse it-sing tshin-tshiūnn iá-káu-miā
天地遮爾大
thinn-tē tsiah-nī tuā
隨人顧性命
suî lâng kòo sìnn-miā
揣無一條路予阮行
tshuē-bô tsi̍t-tiâu lōo hōo gún kiânn

笑一聲啊
tshiò tsi̍t-siann–ah
愛情啊
ài-tsîng–ah
月娘也陪阮哭無聲
gue̍h-niû iā puê gún khàu bô-siann
為何天公啊
uī-hô thinn-kong–ah
欲來蹧躂我
beh lâi tsau-that guá
將我的希望來拆散
tsiong guá ê hi-bāng lâi thiah-suànn

好䆀攏是命
hó bái lóng sī miā
我會認份來行
guá ē jīn-hūn lâi kiânn
這一切到底是我的命
tse it-tshè tàu-té sī guá ê miā
嘆一聲啊
thàn tsi̍t-siann–ah
認命啦啊
jīn-miā–lah-ah
一款人生做一款命
tsi̍t khuán lâng sinn-tsuè tsi̍t khuán miā