失戀的節奏

https://www.youtube.com/watch?v=NNi4Hv-Ek7Y

《失戀的節奏》Sit-luân ê Tsiat-tsàu

阿吉仔A-kiat–á

——————————————

老人食蟳仔

lāu-lâng tsia̍h tsîm-á

講無效

kóng, bô-hāu

這段感情放水流

tsit tuānn kám-tsîng pàng tsuí lâu

你講咱的緣份已經到

lí kóng lán ê iân-hūn í-king kàu

叫我毋通閣越頭

kiò guá m̄-thang koh ua̍t-thâu

山盟海誓嫌無夠

san-bîng-hái-sè hiâm bô-kàu

無彩我

bô-tshái guá

感情跋遮厚

kám-tsîng pua̍h tsiah kāu

用心計較將你留

iōng-sim kè-kàu tsiong lí lâu

猶原將你留袂牢

iu-guân tsiong lí lâu buē-tiâu

失戀失戀的節奏

sit-luân sit-luân ê tsiat-tsàu

予我聽甲強欲吼

hōo guá thiann kah kiōng-beh háu

失戀失戀的節奏

sit-luân sit-luân ê tsiat-tsàu

親像雞卵掔石頭

tshin-tshiūnn ke-nn̄g khian tsio̍h-thâu

枉費我為你遮奮鬥

óng-huì guá uī lí tsiah hùn-tàu

想著

siūnn tio̍h

我目屎流

guá ba̍k-sái lâu

敢講有情人

kám-kóng ū-tsîng-lâng

著等候無情的人來回頭

tio̍h tán-hāu bô-tsîng ê lâng lâi huê-thâu

啊~傷心的酒啉予夠

ah~ siong-sim ê tsiú lim hōo kàu

啉予茫茫

lim hōo bâng-bâng

管伊佗位是阮兜

kuán i tó-uī sī gún tau