難忘的紗帽山

《難忘的紗帽山》Lân-bōng ê Se-mō-suann
青青Tshing-tshing
——————————————
難忘的紗帽山
lân-bōng ê Se-bō-suann
秋風冷佮寒
tshiu-hong líng kah kuânn
吉他聲音安慰我
gì-tah siann-im an-uì guá
煙霧是阮良伴
ian-bū sī gún liông-phuānn

純情花受拖磨
sûn-tsîng-hue siū thua-buâ
愛人仔離開我
ài-jîn-á lī-khui guá
我親像孤鳥
guá tshin-tshiūnn koo-tsiáu
哭無伴
khàu bô-phuānn
你來僥心我看破
lí lâi hiau-sim guá khuànn-phuà

難忘的紗帽山
lân-bōng ê Se-bō-suann
夜蟲哭無伴
iā-thâng khàu bô-phuānn
夜鶯聲音安慰我
iā-ing siann-im an-uì guá
怨嘆阮孤單
uàn-thàn gún koo-tuann

純情花受拖磨
sûn-tsîng-hue siū thua-buâ
愛人仔欺騙我
ài-jîn-á khi-phiàn guá
我毋驚風雨落偌大
guá m̄-kiann hong-hōo lo̍h guā tuā
猶原踮在紗帽山
iu-guân tiàm-tsāi Se-bō-suann