老青春
《老青春》 Lāu-tshing-tshun
青春美Tshing-tshun-bí
——————————–
老人忽然學風流
lāu-lâng hut-jiân o̍h hong-liû
剃落兩撇的喙鬚
thì-lo̍h nn̄g-phiat ê tshuì-tshiu
交著媠娘嫌歹樣
kau tio̍h suì-niû hiâm phài-iūnn
臨時起儑足健丟
lîm-sî khí-gām tsiok kiān-tiu
查某笑甲腸肚勼
tsa-bóo tshiò kah tn̂g-tōo kiu
伊某罵伊老不修
i bóo mā i lāu-put-siu
因為愛欲好看相
in-uī ài bueh hó-khuànn-siùnn
才著剃甲光溜溜
tsiah tio̍h thì kah kng-liu-liu
糜飯毋食學食酒
muâi-pn̄g m̄ tsia̍h o̍h tsia̍h-tsiú
老命毋顧敢會休
lāu-miā m̄-kòo kánn ē hiu
暝日?甲悠悠悠
mî-ji̍t thit kah iu-iu-iu
食老才熱媠阿娘
tsia̍h-lāu tsiah jia̍t suí a-niû
少年來歹猶有救
siàu-liân lâi pháinn iáu ū-kiù
食老變相難得收
tsia̍h-lāu piàn-siòng lân-tit siu
傷過損神短歲壽
siunn-kuè sún-sîn té-huè-siū
老人也敢學欲泅
lāu-lâng iā kánn o̍h beh siû
出門芳水直直
tshut-mn̂g phang-tsuí ti̍t-ti̍t hiù
無毛也愛抹芳油
bô mn̂g iā ài buah phang-iû
驚了食老無人
kiann liáu tsia̍h-lāu bô-lâng hiù
暝日那妝那顯場
mî-ji̍t ná tsng ná hiánn-tiûnn
房間佮人暝日守
pâng-king kah lâng mî-ji̍t tsiú
查某氣甲面憂憂
tsa-bóo khì kah bīn iu-iu
老猴無人欲數想
lāu-kâu bô-lâng bueh siàu-siūnn
面皮皺皺拍結毬
bīn-phuê jiâu-jiâu phah-kat-kiû