大節女

《大節女》Tāi Tsiat-lú
邱蘭芬 Khu Lân-hun
——————————————
一更思念二更嘆
tsi̍t-kinn su-liām jī-kinn thàn
三更哭聲殘
sann-kinn khàu-siann tshân
四更淒涼心哀怨
sì-kinn tshe-liâng sim ai-uàn
五更東風寒
gōo-kinn tang-hong hân
無聊長暝又漫漫
bô-liâu tiông-mî iū bān-bān
夜鶯哭淒慘
iā-ing khàu tshe-tshám
孤身隻影痴痴等
koo-sin tsiah-iánn tshi-tshi tán
怎樣度難關
tsánn-iūnn tōo lân-kuan

日來思暮夜來夢
ji̍t lâi su-bōo iā lâi bāng
思念彼个人
su-liām hit-ê lâng
毋知伊是喪了命
m̄-tsai i sī sòng liáu bīng
抑是在世間
ia̍h-sī tsāi sè-kan
雖然失去天倫夢
sui-jiân sit-khì thian-lûn bāng
真情毋甘放
tsin-tsîng m̄-kam pàng
保守清白的花欉
pó-siú tshing-pi̍k ê hue-tsâng
毋驚風搖動
m̄-kiann hong iô-tāng

天涯流浪受風霜
thian-gâi liû-lōng siū hong-song
欲揣阮情郎
beh tshē gún tsîng-lông
情郎你是在何方
tsîng-lông lí sī tsāi hô-hong
人海渺茫茫
jîn-hái biáu bông-bông
回憶當初情意重
huê-ik tong-tshoo tsîng-ì tiōng
如今賰一人
jû-kim tshun tsi̍t-lâng
離開一日如三冬
lī-khui tsi̍t-ji̍t jû sann-tang
何時再歸帆
hô-sî tsài kui-phâng