夢中的玫瑰

《夢中的玫瑰》Bāng-tiong ê Muî-kuì
阿茹A-jû
——————————————
紅玫瑰美麗含露水
âng-muî-kuì bí-lē hâm lōo-tsuí
吐出勾魂的芳味
thòo-tshut kau-hûn ê phang-bī
明明知影
bîng-bîng tsai-iánn
你是多情的男兒
lí sī to-tsîng ê lâm-jî
甘願為你傷痕累累
kam-guān uī lí siong-hûn luí-luí

我是你夢中的玫瑰
guá sī lí bāng-tiong ê muî-kuì
夜夜伴你佇身邊
iā-iā phuānn lí tī sin-pinn

夢中兩人笑容遐甜
bāng-tiong nn̄g-lâng tshiò-iông hiah tinn
為你天天醉
uī lí thian-thian tsuì
夜夜情綿綿
iā-iā tsîng mî-mî
愛著較慘死
ài–tio̍h khah-tshám sí
暝暝相會在三更
mî-mî siong-huē tsāi sann-kinn