感謝你

《感謝你》Kám-siā Lí

邱賢桂Khu Hiân-kuì

——————————————

兩人鬥陣

nn̄g-lâng tàu-tīn

需要真深的緣份

su-iàu tsin tshim ê iân-hūn

怎樣最後

tsuánn-iūnn tsuè-āu

變成我一个人

piàn-sîng guá tsi̍t-ê-lâng

彼一工

hit tsi̍t-kang

你講的山盟佮海誓

lí kóng ê san-bîng kah hái-sè

如今煞來變成空

jû-kim suah lâi piàn-sîng khang

是你決定

sī lí kuat-tīng

欲轉去伊的身邊

beh tńg-khì i ê sin-pinn

怎樣最後

tsuánn-iūnn tsuè-āu

變成是我的自私

piàn-sîng sī guá ê tsū-su

彼一工

hit tsi̍t-kang

我苦苦哀求你轉來

guá khóo-khóo ai-kiû lí tńg–lâi

你連越頭攏毋肯

lí liân ua̍t-thâu lóng m̄-khíng

感謝你陪伴我遮濟年

kám-siā lí puê-phuānn guá tsiah tsuē nî

感謝你等待我遮濟年

kám-siā lí tán-thāi guá tsiah tsuē nî

感謝你愛著我遮爾深

kám-siā lí ài-tio̍h guá tsiah-nī tshim

感謝你對待我遮無情

kám-siā lí tuì-thāi guá tsiah bô-tsîng

感謝你忍耐我遮濟年

kám-siā lí jím-nāi guá tsiah tsuē nî

感謝你照顧我遮濟年

kám-siā lí tsiàu-kòo guá tsiah tsuē nî

感謝你你對我遮爾痴

kám-siā lí lí tuì guá tsiah-nī tshi

感謝你離開我遮無情

kám-siā lí lī-khui guá tsiah bô-tsîng