你敢會知

《你敢會知》Lí Kám ē Tsai

邱賢桂Khu Hiân-kuì

——————————————

到底為啥物

tàu-té uī-siánn-mih

一直到這馬

it-ti̍t kàu tsit-má

我猶原佇咧等你倒轉來

guá iu-guân tī-leh tán lí tò-tńg–lâi

是你的愛

sī lí ê ài

我袂當放袂記

guá buē-tàng pàng-buē-kì

抑是對你的情

ia̍h-sī tuì lí ê tsîng

我毋甘放予去

guá m̄-kam pàng hōo khì

雖然我知影

sui-jiân guá tsai-iánn

咱的愛袂有結果

lán ê ài buē ū kiat-kó

雖然我知影

sui-jiân guá tsai-iánn

你的身邊有一个人

lí ê sin-pinn ū tsi̍t-ê lâng

我猶是希望有一工

guá iáu-sī hi-bāng ū tsi̍t-kang

會當陪伴你的身邊

ē-tàng puê-phuānn lí ê sin-pinn

窗外的小雨一直落

thang-guā ê sió-hōo it-ti̍t lo̍h

我的心內澹糊糊

guá ê sim-lāi tâm-kôo-kôo

想你的心你敢會知

siūnn lí ê sim lí kám ē tsai

窗外的小雨陣陣落

thang-guā ê sió-hōo tsūn-tsūn lo̍h

我的心內亂慒慒

guá ê sim-lāi luān-tso-tso

等你的心你敢會知

tán lí ê sim lí kám ē tsai

窗外的小雨一直落

thang-guā ê sió-hōo it-ti̍t lo̍h

我的心內澹糊糊

guá ê sim-lāi tâm-kôo-kôo

愛你的心

ài lí ê sim

你敢會知

lí kám ē tsai