一路順風

《一路順風》Tsi̍t-lōo Sūn-hong

邱賢桂Khu Hiân-kuì

——————————————

毋通欣羨別人的成功

m̄-thang him-siān pa̍t-lâng ê sîng-kong

毋通失去艱苦前的笑容

m̄-thang sit-khì kan-khóo tsîng ê tshiò-iông

一時的錯誤

tsi̍t-sî ê tshò-gōo

滿腹的苦楚

muá-pak ê khóo-tshóo

真心的付出

tsin-sim ê hù-tshut

予咱啥物攏無

hōo lán siánn-mih lóng bô

將心比心

tsiong-sim pí-sim

一切攏隨風

it-tshè lóng suî hong

感謝朋友

kám-siā pîng-iú

對咱繼續照顧

tuì lán kè-sio̍k tsiàu-kòo

提出著咱的勇氣

the̍h tshut tio̍h lán ê ióng-khì

閣再向前衝

koh-tsài hiòng-tsiân tshìng

毋驚艱苦

m̄-kiann kan-khóo

拍拚為著前途

phah-piànn uī-tio̍h tsiân-tôo

啊~行佇坎坷旅途

ah~ kiânn tī khám-khia̍t lú-tôo

著愛堅強

tio̍h-ài kian-kiông

毋通寄望

m̄-thang kià-bāng

靠別人來體諒

khò pa̍t-lâng lâi thé-liōng

勇敢面對咱的困難

ióng-kám bīn-tuì lán ê khùn-lân

好好參詳

hó-hó tsham-siông

苦盡甘來

khóo tsīn kam lâi

也是一路順風

iā-sī tsi̍t-lōo sūn-hong