贏予媠

《贏予媠》Iânn Hōo Suí

邱芸子Khu Ûn-tsú

——————————————

天來鋪排這條路

thinn lâi phoo-pâi tsit tiâu lōo

愛踏出咱跤步

ài ta̍h tshut lán kha-pōo

這世間苦到盡頭

tse sè-kan khóo kàu tsīn-thiô

才有甜蜜花結果

tsiah ū tînn-bi̍t hue kiat-kó

毋通來放蕩做錯

m̄-thang lâi hòng-tōng tsò-tshò

懵懵懂懂遮糊塗

bông-bông-tóng-tóng tsiah hôo-tôo

第一愛知

tē-it ài tsai

對起良心來做

tuì-khí liông-sim lâi tsò

啊~愛情來敧敧倒倒

ah~ ài-tsîng lâi khi-khi-tó-tó

若愛甲遮艱苦

nā ài kah tsiah kan-khóo

這緣怎講清楚

tse iân tsuánn kóng tshing-tshó

若事業愛奔波

nā sū-gia̍p ài phun-pho

血汗來滴落

hueh-kuānn lâi tih-lo̍h

才有溫暖的三頓燒

tsiah ū un-luán ê sann-tǹg sio

啊~跋啊跋著咱志氣

ah~ pua̍h–ah pua̍h tio̍h lán tsì-khì

忍啊忍著苦滋味

jím–ah jím tio̍h khóo tsu-bī

拚一个贏

piànn tsi̍t-ê iânn

咱來贏予媠

lán lâi iânn hōo suí