敢袂當放任心內的期待

敢袂當放任心內的期待Kám bē-tàng hòng-jīm sim-lāi ê kî-thāi
泥洹之迫 Nî-huân-tsi-pik（Urging Oblivion）

——————————————

有一種力量牽連著咱的生活
Ū tsi̍t-tsióng li̍k-liōng khan-liân–tio̍h lán ê sing-ua̍h
阮毋知影這是佗位的聲
Gún m̄ tsai-iánn tse sī tó-uī–ê siann
看袂著的一切敢講攏是註定
Khuànn-bē-tio̍h–ê it-tshè kám-kóng lóng-tsóng sī tsù-tiānn
你哪會當當做遮攏總是巧合
Lí ná ē-tàng tòng-tsò tsia lóng-tsóng sī khá-ha̍p

眼前的生活，多變化
Gán-tsîng ê sing-ua̍h, to piàn-huà
人生親像一齣電影，由你來安排風景的變化
Jîn-sing tshin-tshiūnn tsi̍t tshut tiān-iánn, iû lí lâi an-pâi hong-kíng ê piàn-huà
跤步的沉重，拖性命
Kha-pōo ê tîm-tāng, thua-sìnn-miā
跤印嘛知影你心內的痛，現實遮歹行
Kha-ìn mā tsai-iánn lí sim lāi ê thiànn, hiān-si̍t tsiah pháinn kiânn

天頂的雲啊，望盡天地幾落冬
Thinn-tíng ê hûn–ah, bōng tsīn thinn-tē kuí-lō-tang

世界遮爾大，流浪的我，跤踏佇遮，未來欲對佗位行
Sè-kài tsiah-nī tuā, liû-lōng–ê guá, kha ta̍h tī tsia, bī-lâi beh tuì tó-uī kiânn

眼前的生活，多變化
Gán-tsîng ê sing-ua̍h, to piàn-huà
人生親像一齣電影，由你來安排風景的變化
Jîn-sing tshin-tshiūnn tsi̍t tshut tiān-iánn, iû lí lâi an-pâi hong-kíng ê piàn-huà
跤步的沉重，拖性命
Kha-pōo ê tîm-tāng, thua-sìnn-miā
跤印嘛知影你心內的痛，未來對佗行
Kha-ìn mā tsai-iánn lí sim lāi ê thiànn, bī-lâi tuì tó kiânn

運命的束縛，過去的路家己擔
Ūn-miā ê sok-pa̍k, kuè-khì ê lōo ka-kī tann
心內彼个夢，未來的路家己行
Sim-lāi hit ê bāng, bī-lâi ê lōo ka-kī kiânn

敢袂當放任心內的期待
Kám bē-tàng hòng-jīm sim lāi ê kî-thāi