過去的愛人

《過去的愛人》Kuè-khì ê Ài-jîn
林翠萍Lîm Tshuì-phîng
——————————————
一滴目屎一段情
tsi̍t-tih ba̍k-sái tsi̍t-tuānn tsîng
想起過去心就凝
siūnn-khí kuè-khì sim tiō gîng
為何偏偏閣來想起
uī-hô phian-phian koh lâi siūnn-khí
無緣的愛人
bô-iân ê ài-jîn

當初是你無情來離開
tong-tshoo sī lí bô-tsîng lâi lī-khui
毋是我無義來放捒你
m̄-sī guá bô-gī lâi pàng-sak lí

啊~莫閣想遐濟
ah~ mài koh siūnn hiah tsuē
莫閣來後悔
mài koh lâi hiō-hué
莫閣想遐濟
mài koh siūnn hiah tsuē
莫閣來怨慼
mài koh lâi uàn-tsheh
你是我過去的愛人
lí sī guá kuè-khì ê ài-jîn