稻仔望花

《稻仔望花》Tiū-á Bāng Hue
林彙敏 Lîm Luī-bín
——————————————
稻仔望花 稻仔望花
tiū-á bāng hue, tiū-á bāng hue
稻仔望花 稻仔望花
tiū-á bāng hue, tiū-á bāng hue

風若靜雨就停
hong nā tsīng hōo tiō thîng
夢若醒心就冷
bāng nā tshínn sim tiō líng
稻尾含淚頭犁犁
tiū-bué hâm-luī thâu lê-lê
苦守田水望新花
khóo siú tshân-tsuí bāng sin hue
花開花謝無後悔
hue-khui hue-siā bô hiō-hué
願守空枝等君回
guān siú khang-ki tán kun huê

稻仔望花
tiū-á bāng hue
稻仔望花
tiū-á bāng hue

稻仔青青草蜢飛
tiū-á tshinn-tshinn tsháu-meh pue
田岸水雞叫規暝
tshân-huānn tsuí-ke kiò kui-mê
君愛趕緊來相陪
kun ài kuánn-kín lâi sio-puê
毋通恬恬無講話
m̄-thang tiām-tiām bô kóng-uē
青葉若無春風吹
tshinn-hio̍h nā bô tshun-hong tshue
只賰枯枝吊牆尾
tsí tshun koo-ki tiàu tshiûnn-bué
望君送阮這蕊花
bāng kun sàng gún tsit luí hue
緣份永遠纏做伙
iân-hūn íng-uán tînn tsuè-hué

稻仔望花
tiū-á bāng hue
稻仔望花
tiū-á bāng hue