心病無藥醫
《心病無藥醫》Sim-pēnn Bô Io̍h I
林淑容Lîm Siok-iông
——————————————
三月春花媠媠咧開
sann-gue̍h tshun-hue suí-suí teh khui
八月中秋拄拄好圓
peh-gue̍h tiong-tshiu tú-tú-hó înn
你用感情真正趣味
lí iōng kám-tsîng tsin-tsiànn tshù-bī
予我青春歡歡喜喜
hōo guá tshing-tshun huann-huann-hí-hí
想起當時恬恬相思
siūnn-khí tong-sî tiām-tiām siunn-si
心愛的人對你膏膏纏
sim-ài ê lâng tuì lí ko-kotînn
哭到三更也睏袂去
khàu kah sann-kinn iā khùn buē khì
寂寞攑頭看流星
tsi̍k-bo̍k gia̍h-thâu khuànn liû-tshinn
心病無藥醫
sim-pīnn bô io̍h i
望你相安慰
bāng lí sio an-uì
阮若是有你笑微微
gún nā-sī ū lí tshiò bî-bî
你和阮鬥陣搬一齣戲
lí hām gún tàu-tīn puann tsi̍t-tshut hì
美麗親像西施
bí-lē tshin-tshiūnn Se-si
心病無藥醫
sim-pīnn bô io̍h i
等你的鎖匙
tán lí ê só-sî
拍開阮等待的稀微
phah-khui gún tán-thāi ê hi-bî
拍開阮心頭
phah-khui gún sim-thâu
心內的空虛
sim-lāi ê khang-hi
快樂來過日子
khuài-lo̍k lâi kuè ji̍t-tsí
