往事何必再提起

《往事何必再提起》Óng-sū Hô-pit Tsài Thê-khí

林清國Lîm Tshing-kok

——————————————

情人眼中出西施

tsîng-jîn gán-tiong tshut Se-si

總講愛著較慘死

tsóng-kóng ài–tio̍h khah tshám sí

當初鬥陣無嫌過去

tong-tshoo tàu-tīn bô hiâm kuè-khì

這馬反形來曲敧

tsit-má huán-hîng lâi khiau-khi

啥人啥人無朋友啊

siánn-lâng siánn-lâng bô pîng-iú–ah

啥人啥人無友誼

siánn-lâng siánn-lâng bô iú-gî

你莫佮我來鬥纏啊

lí mài kah guá lâi tàu tînn–ah

我莫予你落氣

guá mài hōo lí làu-khui

既然已過去

kì-jiân í kuè-khì

何必怨啥物

hô-pit uàn siánn-mi̍h

希望你咱重新閣開始

hi-bāng lí lán tiông-sin koh khai-sí

只要我對你用真情

tsí-iàu guá tuì lí iōng tsin-tsîng

你對我用真意

lí tuì guá iōng tsin-ì

往事何必再提起

óng-sū hô-pit tsài thê-khí