高雄夜曲

《高雄夜曲》Ko-hiông Iā-khik
林峰Lîm Hong
王秀如Ông Siù-jû
——————————————
繁華的夜都市
huân-huâ ê iā too-tshī
高雄愛河邊
Ko-hiông Ài-hô pinn
落葉聲惜別離
lo̍h-hio̍h siann sioh-pia̍t-lî
哀怨如秋天
ai-uàn jû tshiu-thinn
手牽手賞月圓
tshiú khan tshiú siúnn ge̍h-înn
猶原心稀微
iu-guân sim hi-bî
我送你花領帶
guá sàng lí hue-niá-tuà
表示好情意
piáu-sī hó tsîng-ì

秋天的月光暝
tshiu-thinn ê ge̍h-kng-mî
生成感傷悲
senn-sîng kám siong-pi
希望你免失意
hi-bāng lí bián sit-ì
堅心無地比
kian-sim bô-tè pí
期待著好日子
kî-thāi tio̍h hó ji̍t-tsí
合唱戀歌詩
ha̍p-tshiùnn luân-kua-si
我送你金手指
guá sàng lí kim-tshiú-tsí
表示我愛你
piáu-sī guá ài lí

冬天的風微微
tang-thinn ê hong bî-bî
迷人良宵暝
bê-lâng liông-siau mî
愛情的花領帶
ài-tsîng ê hue-niá-tuà
縛咱意甜蜜
pa̍k lán ì tinn-bi̍t
閃閃爍金手指
siám-siám-sih kim-tshiú-tsí
照著情意甜
tsiò tio̍h tsîng-ì tinn
談起咱好將來
tâm khí lán hó tsiong-lâi
雙人心歡喜
siang-lâgn sim huann-hí