青春的假期

《青春的假期》Tshing-tshun ê Kà-kî
林英美Lîm Ing-bí
——————————————
雙人騎車到山崙
siang-lâng khiâ-tshia kàu suann-lūn
踮在樹跤歇一時
tiàm-tsāi tshiū-kha hioh tsi̍t-sî
春風吹
tshun-hong tshue
鳥唸歌來歡迎咱
tsiáu liām-kua lâi huan-gîng lán
一對好情侶
tsi̍t-tuì hó tsîng-lī
天清清
thinn tshing-tshing
配合著咱快樂假期
phuè-ha̍p tio̍h lán khuài-lo̍k kà-kî
加添雙人的情意甜
ka-thiam siang-lâng ê tsîng-ì tinn

雙人騎車落山去
siang-lâng khiâ-tshia lo̍h-suann–khì
跑過彎彎小溪岸
pháu kè uan-uan sió-khue huānn
看田中
khuànn tshân-tiong
白翎鷥啊成雙對
pe̍h-līng-si–ah sîng-siang-tuì
像咱心快活
tshiūnn lán sim khuìnn-ua̍h
豔麗的日頭
iām-lē ji̍t-thâu
照著快樂情伴
tsiò tio̍h khuài-lo̍k tsîng-phuānn
沿路來合唱青春歌
iân-lōo lâi ha̍p-tshiùnn tshing-tshun kua

雙人騎車到池邊
siang-lâng khiâ-tshia kàu tî-pinn
坐在草埔談情話
tsē tsāi tsháu-poo tâm tsîng-uē
水蓮花
tsuí-liân-hue
頭輕輕來歡迎咱
thâu khin-khin lâi huan-gîng lán
今仔日咱相會
kia̋nn-ji̍t lán siong-huē
趁這時
thàn tsit-sî
你我約束結婚問題
lí guá iok-sok kiat-hun būn-tuê
趁著有甘蜜春風吹
thàn tio̍h ū kam-bi̍t tshun-hong tshe