金色誓盟

《金色誓盟》Kim-sik Sè-bîng

林晏如Lîm Àn-jû

——————————————

暗淡寂寞的路燈

àm-tām tsi̍k-bo̍k ê lōo-ting

啊~稀微孤單又淒冷

ah~ hi-bî koo-tuann iū tshe-líng

重重疊疊的世情

tîng-tîng-tha̍h-tha̍h ê sè-tsîng

啊~偷偷傷心嘆薄命

ah~ thau-thau siong-sim thàn po̍k-bīng

風

hong

替阮不平

thè gún put-phîng

雨

hōo

替阮不明

thè gún put-bîng

規暝吹

kui-mî tshue

落袂停

lo̍h buē-thîng

想著起起落落的人生

siūnn-tio̍h khí-khí-lo̍h-lo̍h ê jîn-sing

為何坎坎坷坷無穩定

uī-hô khám-khám-khia̍t-khia̍t bô ún-tīng

飄飄何處

phiau-phiau hô-tshù

走揣好前程

tsáu-tshuē hó tsiân-tîng

佮別人會得比並

kah pa̍t-lâng ē-tit pí-phīng

想著浮浮沉沉的感情

siūnn-tio̍h phû-phû-tîm-tîm ê kám-tsîng

為何恩恩怨怨遮不幸

uī-hô un-un-uàn-uàn tsiah put-hīng

金色誓盟

kim-sik sè-bîng

咱堅定的情

lán kian-tīng ê tsîng

等待何時達成

tán-thāi hô-sî ta̍t-sîng