酒女嘆

《酒女嘆》Tsiú-lú Thàn
林峰Lîm Hong
——————————————
無理解爸母所害
bô lí-kái pē-bú sóo hāi
才著流落下港來
tsiah tio̍h liû-lo̍h ē-káng–lâi
運命歹親像大海
ūn-miā pháinn tshin-tshiūnn tuā-hái
小船遇風颱
sió-tsûn gū hong-thai
每日是燒酒目屎
muí-ji̍t sī sio-tsiú ba̍k-sái
踮在酒場內
tiàm-tsāi tsiú-tiûnn lāi
雖有情誰肯理解
sui ū-tsîng siáng khíng lí-kái
野花啥人愛
iá-hue siánn-lâng ài

日落西冷靜目屎
ji̍t lo̍h-sai líng-tsīng ba̍k-sái
仝伴姊妹淚哀哀
kāng-phuānn tsí-muē luī ai-ai
裝笑容迎接兄來
tsng tshiò-iông gîng-tsiap hiann lâi
毋願在心內
m̄-guān tsāi sim-lāi
有錢人也不應該
ū-tsînn-lâng iā put ìng-kai
見花就欲採
kìnn hue tsiū bueh tshái
路邊花有啥人愛
lōo-pinn hue ū siánn-lâng ài
加添阮悲哀
ka-thiam gún pi-ai

對鏡臺自慕自愧
tuì kiànn-tâi tsū-bōo tsū-khuì
無君保護真克虧
bô kun pó-hōo tsin khik-khui
化妝品滿身芳水
huà-tsong-phín muá-sin phang-tsuí
花紅柳綠墜
hue-âng liú-li̍k tuī
歹人客親像魔鬼
pháinn lâng-kheh tshin-tshiūnn môo-kuí
摧殘好花蕊
tshui-tshân hó hue-luí
看別人鴛鴦相隨
khuànn pa̍t-lâng uan-iunn sio-suî
只有吐大氣
tsí-ū thóo-tuā-khuì