蝴蝶黏著花

《蝴蝶黏著花》Ôo-tia̍p Liâm Tio̍h Hue

林晏如Lîm Àn-jû

——————————————

啥人講過

siánn-lâng kóng–kuè

阮的情你囥心底

gún ê tsîng lí khǹg sim-té

你的心

lí ê sim

到底敢有坦白

tàu-té kám ū thán-pe̍h

枉費對你遮痴迷

óng-huì tuì lí tsiah tshi-bê

心情親像落花

sim-tsîng tshin-tshiūnn lo̍h-hue

咱的過去

lán ê kuè-khì

到底有啥問題

tàu-té ū siánn būn-tê

阮袂後悔

gún buē hiō-hué

既然已付出遮濟

kì-jiân í hù-tshut tsiah tsuē

痴情人註定愛受罪

tshi-tsîng-lâng tsù-tiānn ài siū-tsuē

對你全心的期待

tuì lí tsuân-sim ê kî-thāi

心情親像落花

sim-tsîng tshin-tshiūnn lo̍h-hue

山盟海誓驚風吹

san-bîng hái-sè kiann hong tshue

情路已經到底

tsîng-lōo í-king kàu té

過去像蝴蝶黏著花

kuè-khì tshiūnn ôo-tia̍p liâm tio̍h hue

咱兩人歡喜行同齊

lán nn̄g-lâng huann-hí kiânn tâng-tsê

如今戲弄阮的感情

jû-kim hì-lāng gún ê kám-tsîng

傷心一暝閣再一暝

siong-sim tsi̍t-mî koh-tsài tsi̍t-mî

過去像蝴蝶黏著花

kuè-khì tshiūnn ôo-tia̍p liâm tio̍h hue

毋知緣份遮爾短

m̄-tsai iân-hūn tsiah-nī té

你疼我惜我的心

lí thiànn guá sioh guá ê sim

欲佗位揣

beh tó-uī tshuē