等君入夢中
《等君入夢中》Tán Kun Ji̍p Bāng-tiong
林晏如Lîm Àn-jû
——————————————
窗外陣陣夜來香
thang-guā tsūn-tsūn iā-lâi-hiong
暗來送東風
àm–lâi sàng tang-hong
重重心事哪敢忘
tiông-tiông sim-sū ná kánn bōng
一時失方向
tsi̍t-sî sit hong-hiòng
這爿看對彼爿向
tsit-pîng khuànn tuì hit-pîng hiòng
嫦娥在月宮
siông-ngôo tsāi gua̍t-kiong
替阮看來替阮惜
thuè gún khuànn–lâi thuè gún sioh
夜夜情難忘
iā-iā tsîng lân-bōng
滿腹心事無地講
muá-pak sim-sū bô-tè kóng
啥人知影阮苦衷
siánn-lâng tsai-iánn gún khóo-thiong
對君遮死忠
tuì kun tsiah sí-tiong
驚君笑阮戇
kiann kun tshiò gún gōng
思思念念啥路用
su-su-liām-liām siánn lōo-iōng
只有等君入夢中
tsí-ū tán kun ji̍p bāng-tiong
等君入夢中
tán kun ji̍p bāng-tiong