秋夜傷心曲
《秋夜傷心曲》Tshiu-iā Siong-sim Khik
林英美Lîm Ing-bí
——————————————
舊年中秋月夜暝
kū-nî Tiong-tshiu gue̍h-iā mî
雙雙散步賞月圓
siang-siang sàn-pōo siúnn-ge̍h înn
可比月娘伴天星
khó-pí ge̍h-niû phuānn thinn-tshinn
情話綿綿糖蜜甜
tsîng-uē mî-mî thn̂g-bi̍t-tinn
熱情毋甘來分離
jia̍t-tsîng m̄-kam lâi hun-lî
雙雙賞月過五更
siang-siang siúnn-ge̍h kè gōo-kinn
冷風吹來露水滴
líng-hong tshue–lâi lōo-tsuí tih
將阮好夢來叫醒
tsiong gún hó-bāng lâi kiò-tshínn
想著今夜阮孤單
siūnn-tio̍h kim-iā gún koo-tuann
月圓苦照秋風寒
ge̍h înn khóo tsiò tshiu-hong kuânn
愛人放阮痛心肝
ài-jîn pàng gún thàng sim-kuann
到底是按怎
tàu-té sī-án-tsuánn
秋月春花受風霜
tshiu-ge̍h tshun-hue siū hong-song
可比小船拄風浪
khó-pí sió-tsûn tú hong-lōng
情海哪通起大風
tsîng-hái ná thang khí tuā-hong
想著怨慼心茫茫
siūnn tio̍h uàn-tshueh sim bông-bông
今夜孤單阮無伴
kim-iā koo-tuann gún bô phuānn
冷風吹來陣陣寒
líng-hong tshue–lâi tsūn-tsūn kuânn
想著愛人彼爿山
siūnn-tio̍h ài-jîn hit-pîng suann
路途千里欲按怎
lōo-tôo tshian-lí beh án-tsuánn
夜鶯毋知阮心肝
iā-ing m̄-tsai gún sim-kuann
空中空吟懷春詩
khong-tiong khang gîm huâi-tshun si
早前有我就有伊
tsá-tsian ū guá tiō ū i
今夜郎君走千里
kim-iā lông-kun tsáu tshian-lí
想著今夜阮孤單
siūnn-tio̍h kim-iā gún koo-tuann
月圓可惜秋風寒
ge̍h înn khó-sioh tshiu-hong kuânn
愛人放阮痛心肝
ài-jîn pàng gún thàng sim-kuann
到底是按怎
tàu-tué sī-án-tsuánn
無情環境來所害
bô-tsîng khuân-kíng lâi sóo hāi
迫阮郎君走東西
pik gún lông-kun tsáu tang-sai
為著真愛罔忍耐
uī-tio̍h tsin-ài bóng jím-nāi
期待幸福阮將來
kî-thāi hīng-hok gún tsiong-lâi
