漂浪的行船人

《漂浪的行船人》Phiau-lōng ê Kiânn-tsûn-lâng
林峰Lîm Hong
——————————————
踮船頂唱出歌詩
tiàm tsûn-tíng tshiùnn-tshut kua-si
自慰心稀微
tsū-uì sim hi-bî
做男兒為前途拍拚
tsuè lâm-jî uī tsiân-tôo phah-piànn
放捒好情義
pàng-sak hó tsîng-gī
無懼怕啥物波浪
bô khū-phà siánn-mih pho-lōng
無懼怕啥物波浪
bô khū-phà siánn-mih pho-lōng
意氣衝對天
ì-khì tshiong tuì thinn

性命來交代著船
sìnn-miā lâi kau-tài tio̍h tsûn
地獄一片枋
tē-ga̍k tsi̍t-phìnn pang
做男兒毋管伊明日
tsuè lâm-jî m̄-kuán i miâ-ji̍t
任風走西東
jīm hong tsáu se-tang
心愛的請你原諒
sim-ài–ê tshiánn lí guân-liāng
心愛的請你原諒
sim-ài–ê tshiánn lí guân-liāng
漂浪行船人
phiau-lōng kiânn-tsûn-lâng

有時陣想起故鄉
ū-sî-tsūn siūnn-khí kòo-hiong
攑頭看天星
gia̍h-thâu khuànn thinn-tshinn
做男兒離開著情愛
tsuè lâm-jî lī-khui tio̍h tsîng-ài
勇氣是本錢
ióng-khì sī pún-tsînn
入港都總會揣著
ji̍p káng-too tsóng ē tshuē-tio̍h
入港都總會揣著
ji̍p káng-too tsóng ē tshuē-tio̍h
可愛新伴侶
khó-ài sin phuānn-lī