月夜琴聲

《月夜琴聲》Gue̍h-iā Khîm-siann
林英美Lîm Ing-bí
——————————————
春風微微人無意
tshun-hong bî-bî lâng bô-ì
開窗看天星
khui thang khuànn thinn-tshinn
追憶昔日的代誌
tui-ik sik-ji̍t ê tāi-tsì
愈想心愈悲
jú siūnn sim jú pi
傷心目屎暗暗滴
siong-sim ba̍k-sái àm-àm tih
心情難得移
sim-tsîng lân-tit î
夜靜無聊琴提起
iā tsīng bô-liâu khîm thê-khí
彈出斷腸詩
tuânn tshut tuān-tn̂g-si

月光清幽夜無聊
ge̍h-kng tshing-iu iā bô-liâu
愁悶難得消
tshiû-būn lân-tit siau
怨嘆運命想袂曉
uàn-thàn ūn-miā siūnn buē-hiáu
情淚禁袂牢
tsîng-luī kìm buē tiâu
可比失群的孤鳥
khó-pí sit-kûn ê koo-niáu
袂得通逍遙
buē-tit-thang siau-iâu
提琴來彈相思調
the̍h khîm lâi tuânn siunn-si-tiāu
哀韻的歌謠
ai-ūn ê kua-iâu

世事親像咧眠夢
sè-sū tshin-tshiūnn teh bîn-bāng
醒來總是空
tshínn–lâi tsóng-sī khang
怎樣為伊來苦痛
tsánn-iūnn uī i lâi khóo-thàng
心頭攏袂鬆
sim-thâu lóng buē sang
佮伊總是無希望
kah i tsóng-sī bô hi-bāng
前途是茫茫
tsiân-tôo sī bâng-bâng
琴蕭伴阮來過暗
khîm siau phuānn gún lâi kè-àm
阮是薄命蟲
gún sī po̍k-bīng thâng