我是你愛過

《我是你愛過》Guá Sī Lí Ài–Kuè
林晏如 Lîm Àn-jû
——————————————
你恬恬無講話
lí tiām-tiām bô kóng-uē
也無一句歹勢
iā bô tsi̍t-kù pháinn-sè
敢講阮早就已經
kám-kóng gún tsá tiō í-king
無佇你心肝底
bô tī lí sim-kuann té
過去傷我心的話
kuè-khì siong guá sim ê uē
已經講太濟
í-king kóng thài tsuē
較艱苦
khah kan-khóo
嘛著一遍一遍
mā tio̍h tsi̍t-piàn tsi̍t-piàn
用目屎洗
iōng ba̍k-sái sé

滿腹的情話
muá-pak ê tsîng-uē
親像水邊的落花
tshin-tshiūnn tsuí-pinn ê lo̍h-hue
予你遮狼狽拍入冰冷的海底
hōo-lí tsiah liông-puē phah ji̍p ping-líng ê hái-té
分手隨人飛
hun-tshiú suî lâng pue
已經寫佇你目尾
í-king siá tī lí ba̍k-bué
勉強閣做伙
bián-kióng koh tsò-hué
也是早慢會反悔
iā-sī tsá-bān ē huán-hué

請你毋通無半句話
tshiánn lí m̄-thang bô puànn-kù uē
只是頭犁犁
tsí-sī thâu lê-lê
予阮一直踮在
hōo gún it-ti̍t tiàm-tsāi
猜疑的世界徘徊
tshai-gî ê sè-kài pâi-huê
咱若袂當閣再鬥陣
lán nā buē-tàng koh-tsài tàu-tīn
我毋敢挽回
guá m̄-kánn bán-huê
只要你一句話
tsí-iàu lí tsi̍t-kù uē
講我是你愛過
kóng guá sī lí ài–kuè