戀愛畢業生
《戀愛畢業生》Luân-ài Pit-gia̍p-sing
林柔均Lîm Jiû-kun(紫君Tsí-kun)
——————————————
月光暝
gue̍h-kng-mî
看見天星
khuànn-kìnn thinn-tshinn
猶原咧閃爍
iu-guân teh siám-sih
阮心內
gún sim-lāi
為何總是袂當放袂記
uī-hô tsóng-sī buē-tàng pàng-buē-kì
一張拆破的相片
tsi̍t-tiunn thiah-phuà ê siòng-phìnn
一段傷心的過去
tsi̍t-tuānn siong-sim ê kuè-khì
所有的相思
sóo-ū ê siunn-si
只為你
tsí uī lí
想彼時
siūnn hit-sî
你我兩人
lí guá nn̄g-lâng
感情糖蜜甜
kám-tsîng thn̂g-bi̍t-tinn
好親像
hó-tshin-tshiūnn
今夜天星月娘伴相隨
kim-iā thinn-tshinn gue̍h-niû phuānn-siong-suî
怎樣變心做一時
tsuánn-iūnn piàn-sim tsuè-tsi̍t-sî
無留半點的情意
bô lâu puànn-tiám ê tsîng-ì
山盟佮海誓隨風去
san-bîng kah hái-sè suî hong khì
啊~安慰著自己
ah~ an-uì tio̍h tsū-kí
寫出一首詩
siá tshut tsi̍t-siú si
不應該流目屎
put ìng-kai lâu ba̍k-sái
不應該心傷悲
put ìng-kai sim siong-pi
Good-bye Good-bye
一場無結局的情愛
tsi̍t-tiûnn bô kiat-kio̍k ê tsîng-ài
Good-bye Good-bye
已經畢業的戀愛
í-king pit-gia̍p ê luân-ài
親像白雲
tshin-tshiūnn pe̍h-hûn
一陣飄去袂轉來
tsi̍t-tsūn phiau–khì bē tńg–lâi
月光暝
gue̍h-kng-mî
看見流星
khuànn-kìnn liû-tshinn
消失在天邊
siau-sit tsāi thinn-pinn
好親像
hó-tshin-tshiūnn
對阮暗示
tuì gún àm-sī
痴情無了時
tshi-tsîng bô-liáu-sî
已經畢業的愛情
í-king pit-gia̍p ê ài-tsîng
何必為伊心頭凝
hô-pit uī i sim-thâu gîng
耽誤自己的好前程
tam-gōo tsū-kí ê hó tsiân-tîng
