懷春曲

《懷春曲》Huâi-tshun-khik
林英美Lîm Ing-bí
——————————————
日落西天色黃昏
ji̍t lo̍h sai thinn-sik hông-hun
馬車跑山崙
bé-tshia pháu suann-lūn
咱兩人真有緣份
lán nn̄g-lâng tsin ū iân-hūn
相會在這陣
siong-huē tsāi tsit-tsūn
阮心內真正興奮
gún sim-lāi tsin-tsiànn hing-hùn
佮著貼心君
kah tio̍h tah-sim kun
手牽手做陣遊賞
tshiú khan tshiú tsuè-tīn iû-siúnn
快樂當青春
khuài-lo̍k tng tshing-tshun

戀花開又媠又芳
luân-hue khui iū suí iū phang
花心一點紅
hue sim tsi̍t-tiám âng
在等待蝴蝶飛來
tsài tán-thāi ôo-tia̍p pe–lâi
守阮的花欉
siú gún ê hue-tsâng
為著伊心情茫茫
uī-tio̍h i sim-tsîng bâng-bâng
日頭直直暗
ji̍t-thâu ti̍t-ti̍t àm
提紙筆欲寫情批
the̍h tsuá-pit bueh siá tsîng-phue
寄予伊一人
kià hōo i tsi̍t-lâng

在眠夢佮伊相見
tsāi bîn-bāng kah i sann-kìnn
散步溪仔墘
sàn-pōo khue-á-kînn
夢見伊對阮講起
bāng-kìnn i tuì gún kóng-khí
婚緣的代誌
hun-iân ê tāi-tsì
初戀味情意真甜
tshoo-luân-bī tsîng-ì tsin tinn
見笑暗歡喜
kiàn-siàu àm huann-hí
醒來才知影就是
tshínn–lâi tsiah tsai-iánn tō-sī
夢見見著伊
bāng-kìnn kìnn-tio̍h i

想彼時自由自在
siūnn hit-sî tsū-iû tsū-tsāi
談情相意愛
tâm-tsîng sio ì-ài
心對心談情說愛
sim tuì sim tâm-tsîng sueh-ài
歡喜無人知
huann-hí bô-lâng tsai
求神明替阮想覓
kiû sîn-bîng thuè gún siūnn-māi
共阮鬥推排
kā gún tàu tshui-pâi
保庇阮達成希望
pó-pì gún ta̍t-sîng hi-bāng
幸福的將來
hīng-hok ê tsiong-lâi