愛一半
《愛一半》Ài Tsi̍t-puànn
林柔均Lîm Jiû-kun(紫君Tsí-kun)
——————————————
鏡中的彼个人
kiànn-tiong ê hit-ê lâng
伊敢是我
i kám-sī guá
憔悴的面容
tsiâu-tsuī ê bīn-iông
來笑甲遮爾勉強
lâi tshiò kah tsiah-nī bián-kióng
半醉半醒的花蕊
puānn-tsuì puānn-tshínn ê hue-luí
敢是無情的花蜂來創治
kám-sī bô-tsîng ê hue-phang lâi tshòng-tī
你用假愛
lí iōng ké-ài
來換阮青春
lâi uānn gún tshing-tshun
用假情騙阮靈魂
iōng ké-tsîng phiàn gún lîng-hûn
是我戇
sī guá gōng
抑是你較過份
ia̍h-sī lí khah kuè-hūn
你講咱兩人永遠仝船
lí kóng lán nn̄g-lâng íng-uán kāng tsûn
又偏偏跤踏雙船
iū phian-phian kha ta̍h siang-tsûn
敢袂來心肝亂紛紛
kám buē lâi sim-kuann luān hun-hun
你若是愛一半
lí nā-sī ài tsi̍t-puànn
我甘願孤單
guá kam-guān koo-tuann
較贏予新人咧笑
khah-iânn hōo sin-lâng teh tshiò
舊人心疼
kū-lâng sim thiànn